15th CESAFI All-Star game himuon karon
CEBU, Philippines - Magpunsisok karon sa Cebu Coliseum dihang ang labing masidlakong mga bitoon sa 15th Cebu Schools Athletic Foundation, Inc. (CESAFI) basketball season magtigi alang sa tinuig nga CESAFI All-Star showdown.
Ang duwa sugdan sa ala-1 sa hapon diin unang mopakita sa ilang hait nga abilidad mao ang juniors division. May kompetisyon sab alang sa Slam Dunk ug 3-point shootout.
Ang VIVA stars sa YouTube sensation nga si Donnalyn Bartolome ug master rapper Sheyee molingaw sab sa mga fans pinaagi sa special production numbers sa dili pa ang duwa sa seniors division.
Magtigi sa Slam Dunk mao sila si Kino Bajamunde sa University of Southern Philippines Foundation Panthers, Garciano Puerto sa University of Cebu Webmasters, Miguel Gastador sa University of San Jose-Recoletos Jaguars, Charles Pepito ug Dolan Adlawan sa University of San Carlos Warriors ug Leonard Santillan ug Rey Suerte sa University of the Visayas Green Lancers.
Sa three-point shootout, mopakita sa ilang pagkatirador mao sila Bridirick Brigoli ug Jeffrey Taghoy sa Cebu Institute of Technology-University Wildcats, Karl Langahin sa USPF, Melvin Butohan sa UC, Mark Labares ug Ralph Dinolan sa USJ-R, Kevin Oleodo ug Nico Magat sa USC, Josue Segumpan, Jerome Napao ug Kent Manzo sa UV ug Jovanie Luz, Mark Jayven Tallo, Anton Pardo ug Melvin Holper sa Southwestern University Cobras.
Sa All-Star showdown, moduwa ubos sa East team ni coach Bong Pineda mao sila si Joshua Laurente, Neon Chavez, Jhlo Pakanna, Alje Mendez ug Briedyn Smith sa USC, John Kirk Gonzaga, Joshua Ortiz, Arnold Ando ug Jude Teleron sa USJ-R, Jancork Cabahug, Ramish Alforque, Michael Membrano, Beirn Laurente ug Paul Amistoso sa UV, ug James Tempra sa Cebu Eastern College Dragons.
Ilang sukdon ang abilidad sa mga batos ni coach Roel Ramos sa West team nga gilangkuban nilang Travis Mantua, Wayne Bersaluna, Jed Colonia, Andrew Velasco, Eroll Pastor ug Phil Calumpang sa Sacred Heart School-Ateneo de Cebu Magis Eagles, Froilan Mangubat, Jason Abejo, Luigi Gabisan, John Cuyos ug Gelmart Umpad sa UC, Allen Oberino ug Harvelle Pelig sa USPF ug Jasper Berezo ug Marion Abinuman sa CIT-U.
Sa collegiate division, si Steve Cedrick Akomo maoy mangu sa East ni coach Gary Cortes lakip ang iyang teammates sa UV nga silang Alfred Codilla, June Kent Manzo, Franz Arong, Leonard Santillan, Alvin Aguirre ug Arvie Cabanero, Mark Tallo, Jesse Bautista, Jovanie Luz, Melvin Holper ug Michael Auditor sa SWU ug Brantford Borces, Winston Bolivar ug Kini Bajamunde sa USPF.
Ang West team ni coach Britt Reroma pangulohan sab ni Shooster Olago, Charles Pepito, Victor Rabat, Keifir Lim, Ian Tagapan, Nico Magat ug Ian Ortega sa USC, Ralph Dinolan, Mark Labares ug Kevin Villafranca sa USJ-R, Joshua de la Cerna, Allan Dimco ug Jose Puerto sa CIT-U ug Melvin Butohan ug Garciano Puerto saUC. (BANAT NEWS)
- Latest
