Viva Forty Christmas League gisugdan na

CEBU, Philippines – Pormal  na nga  gibuksan  ang Viva Forty Christmas League 2015 basketball tournament niadtong Sabado sa hapon didto sa Guadalupe Sports Complex, Cebu City.

Sila si Cebu City councilor Osmeña  uban ni Kongresista Bebot Abellanosa ug Guadalupe Brgy. Capt. Michael Gacasan maoy mga pinasidunggang dinapit ug mamumulong sa maong hamubo nga programa atol sa opening ceremony.

Gawas sa paghatag og bulawanong mensahe, si kongresista Abellanosa  mao  sab ang mipanumpa sa mga opisyales  sa Viva Forty ballclub inabagan nilang councilor Osmeña ug Brgy. Capt. Gacasan.

Nanumpa sa ilang katungdanan mao si Allan Glen Abella (president), Robert Bobby Rivera (secretary), Mario Bihag (treasurer), Raul Sollano (auditor) ug Dodong Elizalde (commissioner).

Sa laing bahin,  ang Aulga Hardware miiskor dayon og daog human makaipsot batok sa  Dayon Enterprises, 66-65.

Sila si Armen Reunido ug Antonio Esgana maoy nangu sa Aulga Hardware nga parehong miantog og 10 puntos. Pulos sab miiskor og 11 puntos sila si Dodong Elizalde ug Felino Fuentes aron pangulohan ang Dayon Enterprises.

Midaog sab ang Blue Coast Laundry dihang ilang gilabhan ang Team Gayoso, 67-62.

Gipangulohan ni Onyot Sasing ang Blue Coast Laundry pinaagi sa iyang 21 puntos, samtang sila si Bernard Jacaban ug Cesar Pandong nagkumbinar og 21 puntos alang sa naparot nga  Team Gayoso.

Sa main game, ang Team Gacasan yano kaayong midaog pinaagi sa paglubong sa  Team Gallardo, 76-53.

Si Jonel Dañoso maoy topscorer sa Team Gacasan sa iyang 14 puntos, gisundan ni Dante Antonio nga adunay 10 puntos.

Duha sab ka players sa Team Gallardo ang miiskor og double figures pinangulohah ni Mario Bihagan sa iyang 19 puntos ug Sam Lievado nga adunay 10 puntos.

Ang torneyo gipadagan ni league commissioner Dodong  Elizalde inabagan ni Bebot Ancot isip technical committee.

Puntos Matag Usa

Unang duwa:

Aulga Hardware (66) – Reunido 10, Esgana 10, Fernando 8, Navaja 8, Cabanilla 6, Aulga 6, Adolfo 4, Veloso 4, Villarba 4, Navasa 3, Ventic 3.

Dayon Enterprises (65) – Elizalde 11, Fuentes   11, Granada 9, Tejano 8, Bihag 8, Pacaña 6, Torepalma 4, Colonia 4, Verano 2, Abella 2.

Ikaduhang duwa:

Blue Coast Laundry (67) – Sasing 21, Racho 9, Panerio 8, Lopez 7, Mabatid 6, Gabutan 4, Iligan 4, Aniñon 4, Verano 2.

Team Gayoso (62) – Jacaban 11, Pandong 10, Rama 9, Barillano 7, Navaja 6, De Guzman 5, Cane 5, Belmonte 4, Aliño 2, Dela 2, Aquilos 1.

Ikatulong duwa:

Team Gacasan (76) – Dañoso 14, Antonio 10, Gentica 8, Gabunada 8, Bagondol 6, Albano 6, Jacalan 6, Mante 6, Cananea 5, Rivera 4, Postrero 1.

Team Gallardo (53) – Bihagan 19, Lievado 10, Labra 7, Billota 6, Cabarrubias 3, Navaja 3, Montibon 3. (BANAT NEWS)