Caravario, Rua nagsawo liderato sa Don Bosco@200

CEBU, Philippines – Nagsawo karon sa liderato ang St. Callistus Caravario ug Blessed Michael Rua human gipukan ang ilang tagsa-tagsa ka kaatbang sa nagpadayong Don Bosco@200 basketball tournament niadtong Sabado sa gabii didto sa Don Bosco Technology Center sa Punta Princesa, Cebu City.

Ang Caravario midaog sa Becchi sa iskor nga 57-47, samtang ang Rua nakaipsot sa kulbahinam nilang duwa batok sa Blessed Laura  Vicuña, 51-49.

Si Joshua Cabahug miposa’g 14 puntos aron pangulohan ang Rua. Mipakita sab og maayong duwa silang Chrissar Llegunas ug  Malvin Angel Malicdem nga nagkumboya’g 24 puntos.

Tulo sab ka players ang miiskor og double figures alang sa Vicuña pinangulohan ni  Quincy ‘Jones’ Adriano, kinsa miposa’g 17 puntos. Si Edgar Cañete Jr. ug ang playing team manager nga si Giovanni Canceko mitampo’g 12 puntos matag usa.

Sa laing bahin, sila si RJ Acha ug Dean Llorente mikamada’g 18 ug 17 puntos aron pangulohan ang  Caravario, samtang sila si Kenneth Rey Marilao ug  Fermo nagkumboya’g 28 puntos aron pangulohan ang Becchi.

Puntos Matag Usa

Unang duwa:

Rua (51) – Cabahug 14, Llegunas 13, Malicdem 11, Bacalso 4, Belleza, 3, Estrera 2, Sagayno 2.

Vicuña (49) – Adriano 17, Canceko 12, Cañete 12, Tarongoy 6, Llenes 2.

Ikaduhang duwa:

Caravario (67) – Acha 18, Llorente 17, Mediano 8, Ubod 6, Borromeo 3, Villagonzalo 3, Cabellon 2.

Becchi (47) – Marilao 17, Fermo 11, Diamante 7, Ebajo 6, Alforque 2, Reroma 2, Selerio 2. (BANAT NEWS)