San Miguel, Talk ‘N Text samot kalig-on

CEBU, Philippines - Duha ka mga koponan nga midaog og kampiyonato sa miaging season ang misamot kalig-on human sa nahitabong serye sa mga trades sa PBA kagahapon.

Ang San Miguel Beermen ug Talk ‘N Text Tropang Texters sayo karon nga giisip nga championship contender human  sa kalig-on sa ilang line-up human sa PBA Rookie Draft ug mga trades.

Kini ang panahom ni Rain or Shine Elasto Painters coach Yeng Guiao, kinsa miingon nga seguradong mosanong kaniya ang ubang PBA coaches kun moingon siya nga ang Texters ug Beermen ang angay nga pangandaman sunod season sa liga.

Ang Talk ‘N Text nakakuha sa No. 1 pick nga si Moala Tautuaa human sa draft, samtang nabira usab nila ang No. 2 pick sa Mahindra Enforcers (kanhi Kia)  pinaagi sa usa ka ‘trade’ diin gibuhian nila si Kevin Alas ug Rob Reyes.

Gamay ra og kausaban ang San Miguel, kinsa  mi-trade ni Jeric Fortuna alang ni Cebuano point guard Brian Heruela. Apan  kahadlukan gihapon tungod sa powerhouse line-up. (BANAT NEWS)