R.A. Essentials daog na sab
CEBU, Philippines – Mikulit sa ilang ikaduhang daog ang R.A. Essentials/Shaweh human makaipsot batok sa Blessel (Romarjil), 86-84 sa As-Es B.A.R. Second Conference Fiesta Cup 2015 niadtong Huwebes didto sa Benjamin Solon Memorial Gym sa Cogon Ramos, Cebu City.
Si Rocky ‘Robocs’ Bacalso maoy misalbar sa R.A. Essentials/Shaweh pinaagi sa iyang follow-up s himalatyong oras sa duwa.
Si Bacalso mao sab ang nangu sa iyang 23 puntos, silang Reggie Licanda ug Louie Tanggol mitimbre’g 10 puntos matag usa.
Ang Blessel (Romarjil) gipangulohan ni Allen Pomicpic nga milansang og 15 puntos, samtang sila si Roy Espinosa, Dan-Dan Nilo ug Rey Guevarra mihimo sab og double digits. Sa laing duwa, ang AMBL mikulit sab og daog batok sa Boston, 90 -79.
Gipangulohan kini ni Glen Birao, kinsa mipupo’g 18 puntos, gisundan ni Robert Abasolo nga mihagpat og 17 puntos ug Erwin Ferrer nga miani’g 16 puntos. Tulo sab ka players sa Boston ang mihimo’g double figures pinangulohan ni Julius Gastador pinaagi sa iyang 22 puntos. Sila si Donald Yap ug Rex Montilla miposa’g 15 ug 13 puntos.
Puntos Matag Usa
Unang duwa:
R.A. Essential/Shaweh (86) – Bacalso 23, Licanda 10, Tanggol 10, Capoy 7, Zamora 7, Sasing 6, Llagas 6, Pada 5, Obcial 2, Bastida 2, Godiz 2, Salili 2, Millan 2, Sabay 2.
Blessel-Romarjil (84) – Pomicpic 16, Espinosa 15, Dan-Dan 13, Guevarra 12, Yares 7, Montemayor 6, R. Peñas 4, Camota 4, Dinumpol 4, Ricafort 3.
Ikaduhang duwa:
AMBL (90) – Birao 18, Abasolo 17, Ferrer 16, Bontiao 8, K. Arellano 7, Eglisia 4, Polar 4, Arias 4, Rubi 4, Tiu 2, Lim 2, Aliñabon 2, Tancio 2.
Boston (79) – Gastador 22, Yap 15, Montilla 13, Tallas 9, Villarba 5, Luab 5, Arriola 5, Pardinilla 3, Boston 2. (BANAT NEWS)
- Latest
