SWU pabiling wa’y pilde sa Shakey’s GVL
CEBU, Philippines - Mikulit sa ilang ikaduhang sunod-sunod nga daog ang Southwestern University sa Central Visayas leg sa Shakey’s Girls Volleyball League Season 13 kagahapon didto sa Cebu City Sports Institute (CCSI) gym sa Barangay San Nicolas.
Unang midaog ang SWU batok USJ-R, 25-14, 20-25, 25-14, gisundan sa usa ka dominanteng 25-20, 25-18 nga kalampusan batok University of Southern Philippines Foundation.
Sa maong kadaugan, ang SWU nag-una sa pool B sa ilang 2-0 record, samtang ang Don Gerardo Llamera Ouano Memorial National High School (DGLOMNHS) nag-una sa pool A sa susamang rekord.
Human sa ilang kadaugan batok University of Cebu niadtong Huwebes, ang DGLOMNHS sunod nga mipukan sa Paref Southcrest School, 25-14, 25-19.
Laing mga midaog kagahapon mao ang UC batok St. Theresa’s College, 25-16,25-16, University of San Carlos batok STC, 25-10, 25-12 ug SHS-AdC batok sa SHS-Hijas, 25-17, 25-16. (BANAT NEWS)
- Latest
