Petron Goldberry, Dynamic Power wala pa gihapo’y pilde sa SHAABAA cagefest
CEBU, Philippines – Pabilin gihapon nga walay pilde ang Petron Goldberry ug ang Dynamic Power sa tagsa-tagsa nila ka dibisyon sa 20th SHAABAA Cup basketball tournament niadtong Domingo didto sa SHS-AdC Canduman Campus sa dakbayan sa Mandaue.
Nakaipsot ang Petron Goldberry batok sa Gaisano Capital, 53-49 aron magsolo sa Division A uban ang 3-0 record.
Midaog sab ang Dynamic Power batok sa RDAK Transporters, 61-50 sa sangka sa mga wa’y pildeng teams sa Division B. Ang Dynamic Power nagbitbit og 2-0 nga baraha, samtang ang RDAK adunay 2-1 record.
Si Leigh Dixon maoy nangu sa Petron Goldberry sa iyang 18 puntos samtang si Justin Huang midugang og 11 puntos .
Ang Gaisano Capital gipangulohan nilang Jerry Seno ug Alfonso Doyon sa ilang 14 ug 10 puntos matag usa.
Silang Roderick Mangubat ug Theogene Lim mao sab ang nangu sa Dynamic Power sa ilang 20 ug 13 puntos matag usa, samtang si John Paul Cabrera maoy nangu sa RDAK Transport sa iyang 10 puntos.
Sa laing duwa sa Division A, ang Bayfront Hotel Cebu milubong sa Filmon Prince Medallion sa iskor, 79-36, samtang gilubong sab sa RDAK Stallions ang Chick@phil Basic, 70-42.
Sa Division B, ang Autolab nakaipsot batok sa White Gold Club, 50-48. (BANAT NEWS)
- Latest
