Warriors daog

CEBU, Philippines – Nagmangtas ang University of San Carlos Warriors didto sa tunga-tungang bahin sa third period diin naglabaw sila'g 18 puntos ug hingpit nga mikulit og 76-64 nga kadaogan batok sa undermanned Southwestern University Cobras sa Cebu Schools Athletic Foundation, Inc. (CESAFI) men's basketball didto sa Cebu Coliseum.

Double victory kadto sa USC tungod kay ang mas dagko nga Baby Warriors mikastigo sa Don Bosco Technology Center (DBTC) Junior Greywolves og 69 puntos, 102-33.

Gipaila sa Warriors kung unsay kalainan sa adunay import kung intadi sa wala'y import nga team ug tataw kaayong nadominar ni Shooter Olago ang rebound bisan pa og wala siya mag-igo sa iyang free throw.

Si Nico Magat, ang MVP sa pre-season tournament didto sa Bogo City, mibahug og 16 puntos lakip ang upat ka three-pointers samtang parehong may 12 puntos matag usa silang lago ug Charles Pepito ingon man may 10 puntos si Ian Tagapan lakip ang duha ka triples.

Mihimo sab og usa ka tres si Victor Rabat kinsa miamot og singko puntos alang sa Warriors.

Naglabaw ang Warriors og 18 puntos, 47-29 human sa basket ni Pepito may 6:55 ang nahibiling oras sa third period apan mihulga ang Cobras pinaagi sa ilang 16-2 run aron mosikit ngadto sa kuwatro puntos nga biya, 45-49 may 1:36 ang oras sa mao gihapong quarter human sa three-pointer ni Anton Pardo.

Hingpit gyung nailog sa Cobras ang labaw human sa three-point play ni Jesse Bautista, 57-56 ug laing basket gikan ni Mark Christopher Racho nakahimo'g 59-56 nga labaw, may 7:02 ang oras. Hinoon, ang labing dako nga labaw sa Cobras miabot lang og sayis puntos, 12-6 sa uwahing bahin sa first period.

Dihang nakontrolar na'g balik sa Warriors didto sa fourth period, wala na mosikit og usab ang Cobras kinsa gipangulohan ni Mark Jayven Tallo sa iyang 14 puntos.

Sa sayo pa, pulos naka-iskor ang 15 ka player sa Baby Warriors pinangulohan ni Briedyn Aleyth Smith sa iyang 13 puntos ug wala'y player sa DBTC nga nakahimo'g double figures tungod kay igo lang mi-iskor og nuybe puntos si Juan Miguel dela Torre.

Puntos matag usa:

First Game:

USC (Jrs.) 102 – Smith 13, Laurente 11, Pontanosa 11, Mangaron 9, Canieso 9, Gato 8, Ranoco 8, Bande 6, Pakanna 5, Damolo 4, Mendez 4, Chavez 4, Mendoza 4, Macandong 4, Octaviano 2.

DBTC (Jrs.) 33 – Dela Torre 9, Sta. Cruz 6, Gabisay 4, Duque 4, Macam 4, Adlawan 2, Descartin 2, Ciabo 1, Quieta 1.

Second Game:

USC (Srs.) 76 – Magat 16, Olago 12, Pepito 12, Tagapan 10, Ortega 6, Rabat 5, Lim 5, Suarez 4, Laguyo 3.

SWU (Srs.) 64 – Tallo 14, Luz 12, Holpder 11, Pardo 9, Prado 7, Bautista 5, Auditor 4. (BANAT NEWS)