Garces, Coran misidlak sa South Korea

CEBU, Philippines – Mihatag og dungog sa nasud ang mga Cebuana taekwondo athletes nga sila si Nica Garces ug Mayn Coran dihang misakmit sila og medalya sa 2015 Korean 2015 Korean Open Taekwondo Championships didto sa Chuncheon City, Gangwon-do, South Korea.

Si Garces mihatud og silver medal alang sa Team Philippines kyorugi o sparring event, samtang si Coran miangkon og bronze medal.

Gawas sa duha, aduna pay laing upat ka mga Cebuano jins nga mopakita og aksiyon sa South Korea alang sa Korean Open ug World Hanmadang Taekwondo Festival.

Si Rinna Babanto moduwa sa poomsae ug freestyle team competition, samtang si  Robygeile Lee ug Moises Bullicer mosalmot sa junior poomsae ug si Luiji Estrada moaway sa kyorugi. (BANAT NEWS)