Power Forty gibunyagan og daog sa St. Augustine Cup 2015

CEBU, Philippines – Gibunyagan dayon og daog ang Power Forty pinaagi sa paglubong sa ISA, 97-80 sa Inayawan Inter Ball Club  division  sa  St. Augustine Cup  2015 basketball tournament nga gibuksan niadtong Domingo didto sa Inayawan Sports Complex.

Wala kapugngi ang kabangis ni Edward Buhay, kinsa mikadlit og 35 puntos aron pangulohan ang Power Forty ball club nilang Atty. Flor Yosores, Lando Almojallas ug Romy Rama  nga miagak isip team managers.

Tulo sab ka mga batos nilang coach Michael Arias ug Edwin Dejacto Sr. ang mihimo sab og double digits. Si Julian miposa’g 17 puntos, gisundan ni Nando Sumargo sa iyang 12 puntos ug Robert Abasolo nga adunay 10 puntos.

Upat ka players ang miposa’g double figures alang sa napildeng Inayawan Sports Association  (ISA) nga wala kapugong  sa  nagpungasi nga opensiba sa Power Forty. Ang liga usa sa mga dakung kalihukan sa tinuig nga kapistahan sa ilang mahal nga patron St. Augustine sa Agosto 30.

Puntos Matag Usa

POWER FORTY (97) – Buhay 35, Capala 17, Sumargo 12, Abasolo 10, Misa 5, Navares 4, Mercado 4, Abarquez 3, Dequit 3, Cabrera 2, Tantiado 2.

ISA (80) – Dentik 24, Ocariza 14, Gaviola 10, Mamalias 10, Dano 8, Andam 8, Gaviola 3, Camabaya 3. (BANAT NEWS)