Registration sa 22nd Sunsport Cage Camp sugdan karon

CEBU, Philippines - Sugdan na karong adlawa ang registration sa 22nd edition sa Sunsport Basketball Training Camp  gikan sa alas-8 sa buntag hangtod sa alas-5 sa hapon diha sa Sacred Heart Center Sports Club kilid  sa Sacred Heart Church sa may dalan D. Jakosalem, ning dakbayan.

Kutob lamang ugma ang pagpanglista sa kadtong gusto moapil sa training camp, nga abli sa mga babaye ug lalaking basketbolista nga nag-edad og siyete anyos pataas.

Ang entry fee nagkantidad og P1,300, libre na niini ang pipila ka maanindot nga Sunsport items sama sa upper uniform, basketball  2015  model, bag ug  t-shirt.  Alang sa dugang impormasyon,  mahimong motawag ni training director Jojo Romarate  sa  0933-2677713/0921-2338305 o  dili  ba sa  Sunsport office sa 345-1015/0917-3205769/0922-8377712.

Ang duha ka bulan nga kalihukan  mosikad karong Abril 6.     Ang first level nga alang sa mga beginners gikatakda karong Abril 6-30. Duha ka oras ang training session matag adlaw gikan

 sa Lunes hangtod Biyernes. Ang second level kon advance ipahigayon karong Mayo 4-30.     Ang pagbansay-bansay bahinon sa duha ka grupo  gikan sa alas-8 hangtod sa alas-10 sa buntag alang sa

Batch 1 ug alas-10 sa buntag hangtud sa alas-12 sa udto alang sa Batch 2.

Ang magpa-enroll sa first ug second level makahigayon pagpakita sa ilang abilidad pinaagi sa usa ka indoor tune-up tournament sud sa bulan sa Mayo.