Sa imong graduation, congrats Matt Erikson

Akong sugdan kining maong artikulo sa pagkutlo niining maanindot nga mensahe kalabot sa edukasyon, "To educate a man in mind and not in morals, is to educate a menace to society. (Theodore Roosevelt, the 26th U.S. President)

Tungod kay ang buwan sa Marso mao man ang "Graduation Month" o ting-paso sa mga mipasar sa nagkalain-laing kurso sa kolehiyo, tugoti una ako ninyo nga dili lang "sports" ang akong hisgotan karong semanaha.

Akong hisgotan kining usa ka batang lalaki nga 20 na ka tuig nga nagpuyo sa among panimalay. Matag adlaw, makita ko kining bataa gikan gyud sa pagkahimugso niya. Akong gipanid-an ang iyang pagpuyo dinhe sa kalibotan.

Dunay mga panahon nga ako mokaging kay usahay ang akong mga higala mo-ingon nga kining bataa wala ipanganak kun dili gi-xerox kay liwat kuno kaayo nako. Ang tanan nakong gusto nga pagkaon maoy iyang paborito. Kung magbutang ko'g sili tulo ka buok, iyang pun-an, ang akong mga paboritong kanta, mao sa'y iyang kantahon ug kanunay kaming magka-uyon kung unsa nga bulok sa t-shirt o polo shirt ang paliton.

Kaniadto sa wala pa siya magtungha sa elementarya, iyang pundokon ang iyang mga ig-agaw ug mga silingan nga sama kaniya ang pangedaron ug dayo'g kuha'g "bamboo" stick nga ihapak-hapak ngadto sa gamay nga blackboard tungod kay siya kuno'y maestro. Dihang nagsugod na siya'g tungha sa University of  San Carlos-South Campus gikan sa elementarya hangtod sa hayskul, dili ako kapoyan mobangon matag kaadlawon aron magluto sa ilang pagkaon. Sa pagkatinuod niadtong panahon nga bisan og duna pa kami katabang o "yaya", ako lang gihapon maoy moluto sa among pagkaon kay ako kanang habit tungod kay kaliwat kami'g kusinero ug kusinera didto sa lungsod sa Poro, isla sa Camotes sa amihanang Sugbo.

Malipayon kami nga nahuman  na siya sa iyang pagtungha og upat ka tuig sa kolehiyo kay karong Marso 27 adlaw'ng Biyernes, mogradwar na gyud siya. Suhito kaayo ako niining bataa tungod kay ako siyang anak. Siya si Matt Erikson C. Malagar, estudyante sa Cebu Normal University sa kursong Bachelor  of  Elementary Education major in Special Education kon SpEd.

Sa kasamtangan, naghikay na si Matt sa mga papeles aron matuman ang iyang damgo nga mahimong tinuoray nga maestro. Karong Abril, andam na siya sa laing hagit sa kinabuhi sa iya unyang pagtudlo sa Grade 2 Filipino sa Sacred Heart School-Ateneo de Cebu didto sa Canduman, Mandaue City. Kanimo Matt, congratulations!

MISCELLANEOUS. How time flies so swiftly that it  seemed only yesterday you were studying in college and now you're graduating. Next move is to make sure you'll pass the Licensure Examination for Teachers (LET) for you to become an accomplished teacher. You build your dreams, you made it and you have to live in it. Congratulations Matt. We're proud of you. Gabby, your mother Gingging and sister Nicole. I would also like to congratulate all other graduates with special mention to the son of Mam Flora Mata Karl Joshua who graduated at the University of Cebu, the daughter of Pepe Sollano, Kristel Marie , who graduated at the University of  San Jose Recoletos and the son of D' Classic band (Labangon-based)  manager Romy Cal, Peter Prim who graduated at the Cebu Institute of Technology-University.