CCSC motudlo og air rifle shooting
CEBU, Philippines – Lain na sab nga matang sa paugnat sa kusog ang palambuon sa Cebu City Sports Center (CCSC) ngadto sa mga kabataan.
Kini dihang ang CCSC mopasiugda og grassroots program alang sa air rifle shooting dinhi sa Sugbo.
Bisan og dili kasarangan ug sikat nga sport, si CCSC chairman Edward Hayco nagtuo nga angay itudlo ang maong matang sa sport sama sa una nilang gipasiugda nga archery program nga mibunga.
Mipasalig si Hayco nga ang maong natad sa sport luwas alang sa mga kabatan-onan ug makatabang kini pagpangita og mga potensyal nga mga Cebuano nga mosalmot sa mga torneyo dinhi sa nasud.
Ang maong programa gisuportahan gihapon sa Department of Education-Cebu City ug Philippine Sports Commision (PSC).
Mga bata nga nag-edad og 11 ngadto sa 20-anyos mao lang ang makaapil sa maong program.
Sa pagka karon aduna na’y 15 ka mga air rifles nga gihatag sa PSC ngadto sa CCSC.
Sa Mayo, magsugod na ang CCSC og train sa mga P.E. teachers sa air rifle shooting aron sila na ang motudlo unya sa mga batan-ong atleta.
- Latest
