Hotshots lalapit sa bonus
Laro Ngayon
(Smart Araneta Coliseum)
4:15 p.m. Blackwater
vs Rain or Shine
7 p.m. Meralco
vs Purefoods
MANILA, Philippines - Sumasakay sa kanilang three-game winning streak, lalapit ang nagdedepensang Purefoods sa una sa dalawang twice-to-beat incentive.
“We have one more game against Meralco, and we’re trying to get to that Top Two,” ani head coach Tim Cone. “We’re not for sure if we’ll end up in a three-way tie with Talk ‘N Text and Rain or Shine we would lose through quotient.”
Sasagupain ng Hotshots ang Bolts ngayong alas-7 ng gabi matapos ang bakbakan ng Rain or Shine at Blackwater sa alas-4:15 ng hapon sa 2015 PBA Commissioner’s Cup sa Smart Araneta Coliseum.
Ang mga koponang uupo sa No. 1 at No. 2 seats ang magkakaroon ng twice-to-beat advantage laban sa No. 8 at No. 7 teams, ayon sa pagkakasunod, sa quarterfinal round.
Nanggaling ang Hotshots sa 103-96 panalo laban sa Barako Bull Energy noong Martes kung saan humakot si import Denzel Bowles ng 34 points at 17 rebounds.
Kasosyo ng Purefoods ang Talk ‘N Text sa liderato sa magkatulad nilang 7-3 record.
Nabigo naman ang Meralco na makamit ang kanilang pangalawang sunod na panalo matapos matalo sa Alaska via double overtime, 103-108 noong Martes.
Sa unang laro, palalakasin ng Painters ang kanilang tsansa sa Top Two sa pagharap sa Elite, nagmula sa 68-82 kabiguan sa Aces noong Marso 11.
- Latest
