Belga multa’g P70,000
CEBU, Philippines – Miresulta og bati ang kapisikal ug pagpunay’g panungog ni Rain or Shine Elasto Painters center Beau Belga atol sa ilang duwa batok sa Barangay Ginebra San Miguel niadtong Domingo.
Kini kay gipamulta siya sa PBA Commissioner’s office og P70,000.
Sa maong duwa, ang Rain or Shine midaog sa usa ka pisikal nga aksiyon sa iskor nga 82-79.
Si Belga gipabayad og P40,000 human sa iyang pagsungog ug pagbugal-bugal sa mga fans sa Ginebra didto sa Cuneta Astrodome diin nakita sa Commissioner’s office nga dili angay buhaton sa usa ka player. Laing P30,000 human sa iyang mga hard fouls ngadto nila ni Mark Caguioa ug Eman Monfort.
Gawas ni Belga, gisilotan usab ang iyang teammate nga si Raymond Almaza tungod sa pag-apil og pangaway sa mga fans sa Ginebra human sa duwa. Naapil usab si Ginebra center Dorian Peña, kinsa makabayad og P10,000 human sa iyang unsportsmanlike foul ngadto ni Almazan. (BANAT NEWS)
- Latest
