Ikaduhang edisyon sa Rapid Chess Club mosikad karon

CEBU, Philippines - Ang ikaduhang edisyon sa Rapid Chess Club Open Tournament mosikad karong adlawa diha sa E-Mall Activity Center.

Pagasugdan ang mga duwa sa ala-1 sa hapon ug magsubay kini og 7-round Swiss system format.

Ang makampiyon mobulsa og P2,500, samtang ang mopahiluna sa ikaduha ug ikatulong dapit modawat og P1,500 ug P500. Ang  fourth hangtod sa 10th placers mobitbit og consolation prize nga P150 matag usa.

Ang rehistrasyon nagkantidad og P100.

Nagpaluyo sa maong duha ka adlaw nga torneyo mao sila si Deo Florita ug Cris Klaus. Alang sa dugang detalye, kadtong mga interesado mahimong motawag ni FIDE Arbiter Marvin Y. Ruelan sa 0926-7352951.