Traya batok Wenceslao sa ALA-Cobra boxing
CEBU, Philippines - Nangandoy og laing ‘knockout’ nga kadaugan si ALA Boxing Gym fighter Elmo ‘Bisdak’ Traya (7-1, 6KOs) sa iyang pakigharong batok ni Rodel Wenceslao (8-10, 2KOs) sa main event sa ALA-Cobra Energy Drink ‘Tunay na Lakas Boxing’ fightcard ugma sa gabii didto sa Freedom Park sa Malaybalay, Bukidnon.
Si Traya aduna karo’y six fight winning streak ug sukdon ang iyang abilidad ni Wenceslao, kinsa taas pa niya og kasinatian sa ring.
Sa supporting main event, ang way pildeng si Jess Rhey ‘Wamah’ Waminal (5-0, 3KOs) makigharong ni Rowel ‘Merciless’ Garcia (6-16,1KO) sa usa ka eight rounder bout.
Moaway usab ang bag-ong kaplag nga ALA fighter nga si Gerard ‘Gecko’ Suico (3-0, 2KOs) nga mosuway pagpanalipod sa iyang limpyong baraha batok ni Saddam Barambangan (3-7, 2KOs) sa General Santos City.
Mopakita sab sa ilang abilidad silang Melvin Jerusalem batok Rodante Suacasa, Jundel Gregorio batok Ronald Garcia, Michael Estrella batok Jessie Suacasa ug Mardie Muana batok Sonny Basanez. (BANAT PALARO)
- Latest
