Rondo gisuspenso
CEBU, Philippines - Wala pasayloa ug gisuspenso gyud sa Dallas Mavericks ang ilang star point guard nga si Rajon Rondo gumikan sa iyang pagtubag-tubag ug misinghag ngadto sa ilang coach Rick Carlisle atol sa duwa nila batok sa Toronto Raptors niadtong Miyerkules .
Nakahukom ang kadagkuan sa Mavs nga silotan og one-game suspension ang kanhi All-Star tungod sa ngil-ad nga taras nga gipakita batok sa iyang coach
Nasayran nga atol sa ilang duwa batok sa Hawks, gisingkahan ni Rondo si Carlisle atol sa usa ka time-out ug wala sab kini motuman sa gipabuhat nga play sa iyang coach.
Tungod niini, wala na pasudla’g balik ni Carlisle si Rondo hangtod nahuman ang duwa.
Kagahapon, giserbisyohan ni Rondo ang maong suspensiyon diin nabihag ang Mavs sa Atlanta Hawks, 87-104.
Si Rondo gikuha sa Mavs pinaagi sa trade sa Boston Celtics niadtong miaging buwan isip usa ka lakang sa pagpalig-on pa sa ilang koponan alang sa gihandum nilang laing NBA title. (BANAT PALARO)
- Latest
