Talk n’ text nabiktima sa KIA

CEBU, Philippines - Nakabiktima  na sab og laing lig-on nga koponan  ang  Kia Carnival, ning higayona  batok sa  Talk N’ Text Tropang Texters, 106-103 kagabii sa PBA Commissioner’s Cup didto sa Smart Araneta Coliseum.
Sa gihapon,  ang 7-foot-3 nga higante sa Kia nga si PJ Ramos mao na sab ang nahimong bida sa kadaugan human  kini mirehistro og 24 puntos, 25 ka rebounds ug siyam ka assists.
Si Ramos nakakuha sab og maayong suporta gikan nilang  Hyram Bagatsing ug Leo Avenido nga adunay 21 ug 16 puntos matag  usa.
Ang krusyal nga rally sa Kia sa katapusang uno minuto mao ang mihatag kanila og 105-98 nga labaw ug nalikayan nila nga mailog pa kini sa Texters.
Ang Talk ‘N Text maoy ikatulo sa mga lig-ong koponan nga naligsan sa Kia.  Unang midaog ang Kia  batok sa San Miguel Beermen ug Purefoods Star Hotshots.
Ang Kia na na karo’y  3-4 nga baraha. (BANAT NEWS)