Tabal nanghawod sa 2015 PhilHealth Run
CEBU, Philippines – Sa dili pa siya mobiyahe sa US alang sa iyang pagsalmut sa Los Angeles Marathon, ang Cebuana marathon queen nga si Mary Joy Tabal mihapit usa og daog sa 20K women’s class sa 2015 PhilHealth Run kagahapon didto sa Cebu Business Park.
Si Tabal kinsa manimpad sa LA Marathon sunod buwan, mitapos sa lumba sud sa usa ka oras, 24 minutos ug 48 segundos.
Gisundan siya ni Ruffa Sorongon kinsa mitapos sa ikaduhang dapit sa oras nga 1:30:50, samtang si Keisha Mae Delecos mipwesto sa ikatulo sa oras nga 1:32:41.
Sa men’s class, ang Kenyan nga si Isaac Simat maoy labing paspas sa oras nga 1:11:28, samtang si Azlan Pagay migawas nga second placer sa oras nga 1:13:18. Misakiyo sa ikatulong dapit si Robert Daang sa oras nga 1:13:46.
Ang managsuong Lovely Fe ug Cherry Andrin maoy 1-2 placers sa 10K class sa oras nga 43:25 ug 45:43. Si Criselada Allanic maoy third placer sa oras nga 47:10.
Si Noel Tillor nanghawud sa 10K men’s class sa oras nga 33:49, gisundan nila ni Elmer Bartolo (33:56) ug Kenyan Abraham Missos (34:28). (BANAT NEWS)
- Latest
