LABA officers magtigum

CEBU, Philippines – Ang mga opisyales sa Los Amigos Basketball Association (LABA) ubos sa liderato sa ilang aktibong presidente nga si Cris Ubas gikatakdang magtigum ugma (Pebrero 4) sa alas-5 sa hapon diha sa Jonie’s Chicken sa J.  Centre Mall sa A.S. Fortuna  St., Mandaue City.

Pagpangandam kini alang sa mas daku ug mas mabulokon  nga torneyo sa LABA, usa sa  giila nga  labing karaang ballclub dinhi sa  Sugbo.

Unya sa Pebrero 9, si Ubas mopatawag og laing meeting, ning higayona ang tanan nang mga sakop sa LABA. Usa sa ilang hisgutan mao ang awarding ug  opening sa first conference  nga gikatakda karong bulana.

Ang meeting sugdan sa alas-8 sa gabii inig  human sa practice game diha sa Banilad Sports Center sa Brgy. Banilad, Mandaue City.

Gawas ni Ubas, laing mga opisyales sa LABA mao sila si Banilad barangay councilor Gilbert Sebandal (VP external), Lou Ornopia (VP internal), Richard Jordan (treasurer), Jonathan Salonoy (secretary), Ben Auman (PRO) ug  Glenn  Rostata (sgt. at arms).

Ang commissioners naglakip nilang Dodoy Rizane, Rudy Candelada, Dodong Pane, King Celiz, Jerel Bukiron ug Tony Alcover. Ang club adviser mao si Cesar Lee. (BANAT NEWS)