Cebu Niños swimmers nanghawod sa Iloilo

CEBU, Philippines - Ang Team Cebu City Niños swimmers ni coach Rolando Alvarez maoy nanghawod sa 8th Iloilo Dinagyang Invitational Age-Group Swimfest didto sa Iloilo Sports Complex sa Iloilo City.

Unom ka Niños swimmers  ang mikabkab og mga  bulawang medalya.

Si multi-titled  Michael Ichiro Kong sa University of Cebu midaog og lima ka gold ug tulo ka silver medals sa 15-17, samtang si Dennis Jay Rosale naghari sa men’s 18-under sa iyang upat ka gold, tulo ka silver ug duha ka bronze medals.

Ang labing paspas sa 6-under class nga si  Zurielle Kenzie Galo mihakot og upat ka golds ug usa ka  silver, samtang si Quintin Zee Sabalande sa Don Bosco Technology miharos sa lima ka golds sa boys’ 6-under.

Si Isabella Marie Diehl adunay duha ka golds ug duha ka silvers ug si Mike Gabriella Dela Serna mitunol og laing upat ka golds ug usa ka silver medal alang sa Team Cebu City.

Laing mga Cebu swimmers nga nakamedalya  naglakip nila ni Marlon Galo, Rafael Dacaldacal ug Shane Allyne Pareja nga pulos adunay tagsa nga silver ug bronze, Jobert Indaya sa iyang usa ka silver, Romylin Niña Ignacio nga mihakot og pito ka silvers ug Karen Mae Indaya nga mikolekta og duha ka silver ug duha sab ka bronze medals.

Si Jehaosh Reign Garrido adunay usa ka silver ug tulo ka bronze, si Justine Reign Garrido nakakuha og duha ka silvers, si Mary Pauline Indaya  misakiyo og duha ka bronze, si Maria Recilla adunay usa ka silver ug usa ka bronze, si Mai Kawabata may duha sab  ka golds ug duha ka bronzes ug si Johann Christian Abogadie sa iyang usa ka gold ug usa ka bronze.