‘Return of the Titans Family Run’ gitakda sa Pebrero 7
CEBU, Philippines - Andam na ang tanan alang sa ‘Return of the Titans Family Run’ sa Paref Springdale School nga gitakda sa Pebrero 7 didto sa The Terraces sa Ayala Center- Cebu.
Ang kategoriya nga mahimong daganan mao ang 5K ug 3K Open ug 1K family run.
Gipaabot nga ang 1K family run maoy labing kulbahinam ug mas alegre tungod kay tulo ka miyembro sa pamilya ang maghigot sa ilang mga kamot ug magdungan sa paglabang sa finish line.
Mga ganting salapi ang giandam alang sa top three finishers sa matag kategorya. Ang top 100 finishers sa 5K makadawat og specially-designed medal.
Ang registration fee nagkantidad og P500 sa 5K ug 3K ug P1,200 sa family run libre na niini ang singlet, snacks ug raffle stub nga bolahon human sa lumba.
Mahimong magparehistro sa Paref Springdale School nga nahimutang sa Barangay. Lahug. (BANAT PALARO)
- Latest
