Adios Woodrow!

CEBU, Philippines – Nawad-an og usa ka maayong laking point guard ang Sugbo dihang mipanaw kaniadtong Sabado ang kanhi point guard sa Cebu Niños nga si Woodrow Enriquez sa edad nga 37 anyos.

Collegiate player pa lang si Enriquez, nakasubay na ako sa iyang career tungod kay usa siya sa hinungdan nganong midaog og duha ka titulo sa Cebu Amateur Athletic Association (CAAA) ang Cebu Doctors College Stallions (karon CDU) niadtong uwahing bahin sa dekada 90.

Usa si Enriquez sa labing maayong point guard nga produkto sa CAAA ug nagduwa siya isip commercial player sa tibuok niyang career uban sa M. Lhuillier Kwarta Padala-Cebu Niños.

Gani sa iyang pagka-loyal sa M. Lhuillier franchise, iyang gibalibaran ang oportunidad nga makaduwa unta sa PBA tungod kay mitumaw ang taho kaniadto nga nasigpatan siya sa PBA. Hinoon, bisan pa sa ka-maayo niyang moduwa, wala siya mahatagi'g higayon nga makaduwa sa Cebu Gems sa panahon pa sa Metropolitan Basketball Association kon MBA diin nagduwa ang pipila sa iyang mga kauban sa M. Lhuillier ug usa na niini si Stephen Padilla.

Ang asawa ni Enriquez nga si Catherine maoy mipahibalo sa pagpanaw sa nahisgotang basketbolista.

Lima na ka tuig ang milabay, nabalian sa iyang spinal column si Enriquez atol sa usa ka exhibition game tali sa M. Lhuillier batok sa Alaska Aces diha sa USC gym. Taud-taud siyang na-ospital ug paralisado na siyang miuli sa ilang panimalay. Ang kidney complications ug bed sores maoy hinungdan sa iyang kamatayon.

Si  Enriquez nahimong MVP sa United Regional Basketball League niadtong tuig 2004 ug Liga Pilipinas Conference III niadtong tuig 2009.

Anak siya ni kanhi PBA pioneer Alfredo Enriquez kinsa miduwa sa Seven-Up ug Filmanbank niadtong tuig 1975 ngadto sa tuig 1979.

MISCELLANEOUS.  I really don't know why and could not easily explain why I'm deeply touched every time the song "Batobalani sa Gugma" in honor of Sto. Niño is played. I am not hypocrite to admit that of the scheduled nine-day novena, I only attended once and it was on the fourth day. I hope Sto. Niño will understand me. Even I am not in the church, I listen Batobalani at home thru Youtube. Congrats to the newly-wed Jonathan Daro and Ann Marjorie Senarlo who exchanged I Do's yesterday afternoon at the San Roque church in Mambaling. (BANAT NEWS)