Alaska miangkon sa Game 3
CEBU, Philippines – Gipapas sa Alaska Aces ang 21 puntos nga labaw sa San Miguel Beermen aron masakmit ang daog sa Game 3 sa ilang best-of-seven finals series kagahapon didto sa Smart Araneta Coliseum.
Ang Alaska mipakurat sa San Miguel dihang mihimo sila og bangis nga fourth quarter rally aron makuha ang 78-70 nga daog.
Ang San Miguel nanimahong daog human milabaw og 21 puntos sa third period, 61-40, apan wa damha nga maapsan sila sa Alaska nga migamit sa ilang depensa aron kandadohan ang mga scorers sa Beermen.
Human matabla ang iskor, 68-all sa katapusang syete minutos sa duwa, ang Aces mipadayun sa ilang init nga rally paingun ngadto sa usa ka come-from-behind nga kadaugan.
Sa laing bahin, si PBA Commissioner Chito Salud mipahamtang og penalty sa mga players ug coaching staffs sa Alaska ug San Miguel human sa gubot nga duwa nila sa Game 2.
Muabot ngadto sa P64,600 ang kantidad sa mga multa nga gisilot ni Salud ngadto nila ni Alaska assistant coach Louie Alas, Calvin Abueva, Dondon Hontiveros ug Vic Manuel. Gipamulta usab si Arwind Santos, Ronald Tubid ug David Semerad sa San Miguel. (BANAT NEWS)
- Latest
