Pinoy runners diLI tugtan modagan sa 42k sa Cebu City Marathon

CEBU, Philippines - Ang organizers sa Cebu City Marathon mihimo’g kausaban dihang  ang mga langyaw’ng runners lang ang tugotan nila nga mosalmot sa 42K category.

Ang Cebu City Marathon mosikad ugma diha sa Cebu I.T. Park.

Sa nangaging mga edisyon, ang Kenyan runners lang ang nanghawod sa 42K ug 21K divisions hinungdan nga dili na lang nila paapilon ang mga local runners.

Hinuon, ang 21K half marathon gihimo lang usab  alang sa mga Pinoy runners ug dili usab makasagol sa maong kategoriya ang mga langyaw’ng runners.

Sa laing bahin, sukwahi sa una niyang desisyon, ang marathon queen sa nasud nga si Mary Joy Tabal moapil na sa Cebu City Marathon ug iyang suwayan ang pagpanalipod sa iyang  21K half marathon women’s title.

Human sa  malampuson niyang pagdepensa sa korona sa miaging National Milo Finals, si Tabal gitugtan sa iyang coach nga si John Philip Duenas nga mosalmot sa labing dakung marathon sa Sugbo.

Ang maong lumba preparasyon usab ni Tabal  alang sa iyang pagsalmot sa Standard Chartered Hong Kong Marathon sa Enero 25.