Derozan mobalik na'g duwa
CEBU, Philippines – Mobalik na og duwa ang guard sa Toronto Raptors nga si DeMar DeRozan karong Huwebes batok sa Charlotte Hornets.
Wala makaduwa si DeRozan og 17 ka higayon sulod na sa kapin usa ka buwan tungod sa iyang groin injury.
Si DeRozan kinsa sakop sa 2014 All-Star, nagsugod na'g practice niadtong Huwebes apan wala pa gihapon siya maduwa lakip na niadtong Biyernes sa miaging semana dihang napilde ang Raptors sa Golden State Warriors, 105-126 ug dili sab siya makaduwa karong adlawa dihang makingsangka sila batok sa Phoenix Suns sa ilang road game.
Bisan pa'g mipraktis na si DeRozan niadtong Huwebes, nagkinahanglan pa gihapon siya'g dugang usa ka semana alang sa conditioning ug timing sa dili pa siya mobalik didto sa Toronto.
Si DeRozan nag-average og 19.4 points ug 4.2 rebounds karon nga season. Kataposan niyang duwa niadto pang Nobiyembre 28 batok sa Dallas Mavericks dihang nahiagom siya'g gisi sa iyang wa'ang adductor longus tendon.
Ang Raptors kinsa adunay 24-9 nga baraha ug ikaduha sa Eastern Conference sunod sa 25-8 nga Atlanta Hawks, mihimo'g 11-6 record sukad wala na si DeRozan sa ilang lineup. (GGM gikan sa NBA. com) (BANAT NEWS)
- Latest
