Tabal, Kenyan daog sa Sinulog Run
CEBU, Philippines – Ang marathon queen sa nasud nga si Mary Joy Tabal misugat sa bag-ong tuig og daog human siya midominar sa 5K run sa women’s open sa 2015 Sinulog Fun Run kagahapon didto sa Cebu City Sports Center.
Si Tabal mitapos sa lumba sud sa 17 minutos ug 55 segundos, gisundan ni Cherry Andrin sa ikaduhang dapit sa oras nga 19:47, samtang si Mary Joy Loberanis mipwesto sa ikatulo sa oras nga 20:21.
Sa men’s division, ang Kenyan nga si Isaac Simat ang midaog sa oras nga 15:52 batok ni Prince Lee sa oras nga 16:11. Laing Kenyan nga si James Mebei maoy third placer sa oras nga 16:15.
Sa laing bahin, ang Spectrum Runners ni Dr. Gerry Mayo maoy midaog sa biggest running club, samtang ang Abellana National School midaog sa best in costume by group ug sila si Lynely Malaki, Melina Ignacio, Andrew Lum ug Kyle Padilla nakadaog sa best in costume. (BANAT NEWS)
- Latest
