Cebuana wushu artist mobalik sa Phl team
CEBU, Philippines – Usa sa labing ilado ug multi-titled wushu artists sa Sugbo nga si Mary Evangeline Agbay morepresentar na sab sa nasud alang sa international tournaments.
Si Agbay mobalik ngadto sa Manila aron moapil sa nasudnong koponan.
Ang 22-anyos nga si Agbay nahimong usa sa labing malampusong wushu artists sa nasud human nidaog og bulawang medalya atol sa Wushu Championships didto sa China, walo na ka tuig ang nilabay.
Atol sa iyang kampanya isip sakop sa national coaching staff, si Agbay nitambong og wushu seminar diin aduna siya’y bag- ong nakat-onan.
Nagtuo si Agbay nga aduna pa siya’y lima ka tuig aron mo-compete ug moserbisyo sa nasudnong koponan. Buot ni Agbay nga moapil sa Nanquan (Southern Fist), usa ka eksplosibong tipo sa wushu routine nga nagsugod sa habagatang bahin sa China. Gilauman usab siya nga mopakita’g aksiyon sa Southeast Asian Games didto sa Singapore ning tuiga. (BANAT NEWS)
- Latest
