PBA semis sugdan karon
CEBU, Philippines - Suwayan sa Rain or Shine Elasto Painters ug Alaska Aces nga moiskor dayon og daog sa pagsugod sa ilang “best-of-seven” semifinals series karong adlawa didto sa Mall of Asia Arena.
Ang duwa sugdan karong alas-7 sa gabii.
Ang Rain or Shine ug Alaska pulos mipakita sa ilang katakus sa quarterfinals ug yano kaayo nilang gipangtagak ang Barako Bull Energy Cola ug Meralco Bolts aron mosulod sa Final Four.
Ang kadaugan sa Game-1giisip sa Painters ug Aces nga krusyal tungod kay mohatag kini nila og sayong momentum sa taas nga serye.
Ang duha ka koponan adunay lawom nga line-up diin ang Painters hitsas sa mga shooters nga naglakip nilang Paul Lee, Jeff Chan, Ty Teng ug Gabe Norwood uban sa ilang mga bigmen nga sila si Beau Belga, JR Quinahan, Jervy Cruz ug Raymund Almazan.
Samtang aduna say ilang alas ang Alaska nga sila si Dondon Hontiveros, JV Casio, Calvin Abueva ug Cyrus Baguio. Magpaabot sab kini sa suporta nila ni Eric Menk, Sam Eman ug Sonny Thoss.
Atol sa elimination round, ang Painters miiskor og sikit nga kadaugan batok sa Aces, 98-95. (BANAT NEWS)
- Latest
