Gasca biktima sa “hometown” decision?
CEBU, Philippines – Gidudahan nga biktima sa usa ka “hometown” decision ang ALA Gym fighter nga si Roli Gasca human siya mapakyas pag-ilog sa IBO featherweight title ni South African Lusanda Komanisi didto sa Orient Theater sa South Africa.
Si ALA trainer Edmund Villamor, kinsa miuban ni Gasca didto sa South African miingon nga dumadaog si Gasca, apan didto ni Komanisi gihatag sa mga hurado ang split decision nga daog.
“It was a hometown decision. The decision of the judges was even booed by the crowd watching,” matud pa ni Villamor.
Nahibaloan na nga lisud gyud modaog pinaagi sa decision didto sa South Africa ug daku lang og kahigayonan si Gasca nga makuha ang bakus kun mapatumba niya ang hometown fighter.
Sa maong kapildihan, si Gasca nakatilaw sa ikaunom niyang pilde sud sa 28 ka away, samtang si Komanisi mipalambo sa iyang rekord ngadto sa 18-3, 16KOs. (BANAT NEWS)
- Latest
