P-Noy binati si Manny

MANILA, Philippines – Binati ni Pangulong Benigno Aquino lll si Pambansang Kamao at Saranggani Rep. Manny Pacquiao sa panalo nito Laban Kay Chris Algieri sa kanilang laban kahapon sa Cotai Arena sa Macau.

Sinabi ni PCOO Sec. Herminio Coloma Jr., kaisa ng sambayanan ang Malacañang sa pagdiriwang sa muling panalo ni Pacquaio matapos nitong mapanatili ang kanyang welterweight belt Laban Kay Algieri.

Wika pa ni Coloma, ipi­namalas muli ni Pacquiao ang kanyang husay sa bo­sing matapos nitong Talunin si Algieri.

Nanalo si Pacquiao via unanimous decision sa kanilang 12-round fight kahapon sa Macau, China.

Ito ang kauna-unahang talo ni Algieri sa kanyang professional fight.