Quarterfinals sa SASA Inter-Company cagefest tiwason karong weekend

CEBU, Philippines – Makigsangka ang Metrobank batok sa Mazda Motors, samtang ang Automatic Center makigbatok sa Vic Enterprises alang sa “do-or-die” quarterfinals sa Sunrise All-Sports Association (SASA) Inter-Company basketball tournament karong weekend didto sa Brgy. Apas, Lahug open court.

Sa kasamtangan,  ang TMII ug SBA mao pa ang nakasud sa quartefinals ug magpaabot na lang sila sa laing duha ka teams aron masuta kun kinsa ang ilang ikasangka.

Sa laing bahin, abante na sab karon sa quarterfinals ang Quinto Limbo ug ang Apas ubos sa midget division. Ang laing unom ka teams nga nagtinguhang moabante mao ang Santol, Catalina, Camagong, Riverside, Escario ug Cabantan.

Matud pa sa SASA officer ug tournament organizer nga si ex-CIT Wildkitten center Robert Ortega nga inig human sa Inter-Company, sugdan dayon nila ang Sinulog Cup. Giawhag niya ang mga interesadong mosalmot sa pagtawag o text sa 0933-4939657. (BANAT NEWS)