Rollway sud na sa finals, GMC may paglaum pa

CEBU, Philippines - May paglaum pa ang GMC nga makasud sa finals human midaog batok sa Shangrila-Mactan, 85-66 sa Game-2 sa best-of-three semifinal series sa Inter-company division sa Lapu-Lapu City Fiesta Cup 2014 basketball tournament niadtong Huwebes sa gabii didto sa Lapu-Lapu gym.

Ang duha nga nagtabla sa series, 1-1, magtiwas karong adlawa.

Upat ka players sa GMC ni team owner Albert Tan ang mihimo’g double figures sa pagpangulo  ni Ritchum Dennison sa iyang 14 puntos.

Samtang ang Shangrila-Mactan gipangulohan ni Dante Almacin nga adunay 15 puntos.

Sa laing duwa, ang Rollway ni Rolly dela Pieza milubong sa Coca-Cola Dealers, 75-62 aron moabante sa finals sa Senior C division.

Si Allen Tarona maoy topscorer sa Rollway sa iyang 17 puntos, samtang sila  si Kenneth Inoc ug Ananias Arong sa Coca-Cola  sa ilang 12 puntos matag usa.

PUNTOS MATAG USA

GMC (85) – Denison 14, Magdadaro 13, Arnado 10, Omolon 9, Baribe 8, Degamo 6, Morata 5, Pagasian 4, Tojeno 2, Valiente 2, Hiyas 2, Sobreo 2.

SHANGRILA (66) – Almacin 15, Justiniane 13, Pepito 11, Maloloy-on 10, Canceran 6, Panguiton 5, Benedicto 2, Bacalso 2, Sayud 1. (BANAT NEWS)