Cebuano boxers nidaog medalya gipahalipayan

CEBU, Philippines - Ang mga batan-ong  boksidor dinhi sa Sugbo nga midaog og mga medalya didto sa Capiz City sa miaging semana gipahalipayan  ni Cebu  City Councilor Richard ‘Richie’ Osmeña,

Kuwarta ug mga himan sa pamuksing ang gihatag ni  Osmeña ngadto sa mga boksidor, kinsa mibisita sa iyang opisina kagahapon sa buntag.

Ang gipasidungan mao silang Jefre Jimenez, Eduardo Jimenez ug John Paul Tanudra  nga pulos nakakuha og gold medal, Limbert Cainap ug Bryx Piala nga midaog og silver medal  ug Adrian Rosal nga nakakuha og bronze.

Gipasalamatan usab ni Osmeña ang duha ka coach  nga sila si Almerico Amad ug Jordan Dopalco.

Naglaum si Osmeña nga pinaagi sa paghatag niya’g pahalipay makadasig pa kini sa maong mga batang boksidor nga maningkamot og maayo. (BANAT NEWS)