Alaska tuyong modiga’g 5-0 nga baraha
CEBU, Philippines – Suwayan karon sa Alaska Aces nga mohirit sa ikalima nilang daog sa ilang pakigsangka batok sa Kia Sorento sa 2014 PBA Philippine Cup karong adlawa didto sa Cuneta Astrodome.
Ang Aces nga adunay 4-0 moharong sa Kia sa alas-4:15 sa hapon, sundan sa duwa sa igsuong koponan Meralco Bolts ug Talk N’ Text Tropang Texters sa alas-7 sa gabii.
Ang Alaska mipamatuod sa ilang puwersa karon nga season human usab nila gipilde ang ubang lig-ong koponan -- Barangay Ginebra San Miguel, San Miguel Beermen ug Meralco.
Bisan pa og huyang ang Kia, dili gihapon mokompiyansa ang mga batos ni coach Alex Compton ug buhaton ang tanan aron makuha ang usa ka dominanteng kadaugan.
Sa ilang bahin ang Kia nga adunay record nga 1-4 nakahiagum sa ikaupat nga sunod-sunod nilang pilde sukad mawala ang ilang playing coach nga si Manny Pacquiao, kinsa nangandam sa iyang title defense batok ni Cris Algieri karong Nobiyembre 23 didto sa Macau. (BANAT NEWS)
- Latest
