Kawad-on dili babag aron mahimong National Champion

CEBU, Philippines - “Nasayod ba ka kun giunsa nako sila pagdiskubre? Nakita ko sila nga nag-‘walling’ sa tennis court  gamit  ang tsinelas,” saysay ni Maramag Central Elementary School coach Perfecta Serjas diin iyang gipasabot ang elementary girls division champion sa tennis sa 6th Milo Little Olympics National Finals didto sa Marist School sa Marikina.

Wala sila magdahom nga ang  pagsige’g  ‘wall drills’ gamit ang tsinelas ug  opaw na nga  tennis balls ngadto sa bongbong sa tennis court samtang nagpaabot sa regular players nga moduwa ug mohangyo kanila nga himuong “pulot girls” (usa  sa mga mokuha sa mga  bola) mahimong national champions. Tinuod, ang golden girls sa elementary tennis nagdaku gikan sa kabus nga pamilya, gawas lang sa usa nga gisagop sa iyang uyoan.

Ang MVP nga si Ivy Joy Poliquit,  ang iyang amahan usa ka painter, samtang ang iyang inahan usa ka “all-around helper.” Ang amahan nilang Justine Mae Tabanda ug Leiza May Magpuyo pulos “butchers” ug ang ilang mga inahan naa lang sa balay.

Sa iyang bahin, ang inahan ni  Genevieve Tagab  giingon usa ka OFW, apan giangkon niya nga wala siya masayod kun hain kini magtrabaho, samtang ang iyang amahan nga nanginabuhi sa abroad namatay didto sa Cagayan de Oro human  ma-aksidente paingon unta mopauli sa Misamis Occidental. (BANAT PALARO)