TCC-UC hawod sa PHL Open tablenetfest

CEBU, Philippines - Mipakita na sab sa ilang katakus ang Team Cebu City-University of Cebu (TCC-UC) aron maghari sa 6th Philippine Open and Inter-Scholastic Table Tennis Championships dili pa dugay didto sa Angeles City.

Ang beteranong magduduwa sa TCC-UC nga si Berto Bas maoy mikubit og  labing daku nga daog dihang miabante siya alang sa World Liha Championship sa sunod tuig didto sa London.

Ang taga-barangay Pasil nga si Bas midaog og triple championship pinaagi sa old-style pingpong racket action sa team competition uban nilang Efren Jacalan ug Sotero Jose Rojo sa national singles ug international singles.

Nanghawod sab ang UC players sa team event sa men ug women’s open ug collegiate division.

Sa pikas bahin, ang TCC-UC mao sab ang mipahiluna sa una ug ikaduha nga dapit sa maong kompetisyon.  (BANAT NEWS)