Hawks sinilo ang Spurs
SAN ANTONIO--Gumawa si Jeff Teague ng 21 points at isinara ng Atlanta Hawks ang kanilang preseason schedule mula sa 117-107 panalo sa nagdedepensang San Antonio Spurs.
Nag-ambag si Mike Scott ng 19 points, habang may 18 si Kyle Korver para sa Atlanta (4-3).
Kumolekta si Tony Parker ng 17 points at 7 assists, habang may 14 si Cory Joseph at 12 si Boris Diaw para sa San Antonio (2-4).
Naglaro lamang si Tim Duncan ng 13 minuto at naglaro ang Spurs nang wala sina Kawhi Leonard (eye infection) at Tiago Splitter (calf).
Sa New York, tumipa si Carmelo Anthony ng 30 points, kasama rito ang tiebreaking three-point play sa huling 13.9 segundo, at nakabangon ang New York Knicks mula sa 10-point deficit sa third quarter para daigin ang Washington Wizards, 103-100.
Sa iba pang laro, iginupo ng Houston ang Orlando, 90-89; ginapi ng Boston ang Brooklyn, 100-86; pinayuko ng Minnesota ang Milwaukee, 110-91; tinalo ng Memphis ang Cleveland, 99-92; binigo ng LA Clippers ang Phoenix, 108-105.
- Latest
