Tabal nanghawod Butuan Leg sa 38th Milo Marathon

CEBU, Philippines – Ang giilang marathon queen sa Pilipinas nga si Mary Joy Tabal maoy nidominar sa Butuan leg sa 38th National Milo Marathon, samtang ang dugay na kaayo niyang coach nga si John Philip Duenas nalandig sa ikaupat sa 21-kilometer men’s open division kagahapon didto sa Butuan City.

Sila si Tabal ug Duenas pakyas pagdepensa sa ilang korona  sa Cebu leg niadtong Oktubre 12 kay miapil kini og lumba didto sa  South Korea.

Gitapos ni Tabal ang Butuan leg sud sa usa ka oras, 20 minutos ug 46 segundos.

Isip defending champion, si Tabal nakaangkon og pasaporte alang sa national finals  sa Disyembre 7 didto sa Manila.

Sa laing bahin, si  Duenas mioras og 1:16.36 aron molusot sa national final under sa iyang age-bracket. (BANAT NEWS)