TV reporter sa NBA gikawatan og hawok ni thompson

CEBU, Philippines – Mi-iskor og 17 puntos uban sa 11 ka rebounds ug walay turnover sulod sa 30 minutos ang power forward sa Cleveland Cavaliers nga si Tristan Thompson niadtong Biyernes sa gabii dihang napilde ang Cavaliers sa ilang pre-season game batok sa Dallas Mavericks didto mismo sa ilang homecourt sa iskor, 102-108.

Sa wala pa ang duwa, ang FOX Sports sideline reporter nga si Allie Clifton misuway sa pagpakighinabi uban kang Thompson kinsang aksyon nakapahimangud ug nakapakurat kanila dihang kalit siyang nangawat---nangawat og hawok ngadto sa babayeng TV reporter.

Dili tungod kay kalmado lang ug nagpakita sa iyang pagka-professional si Clifton kinsa nakahimo pa og pahiyom human hagki, wala kadto magpasabot nga dili kadto usa ka matang sa sexual harassment ang gihimo ni Thompson. Nagpabilin si Clifton nga kalmado ug professional tungod kay siya usa man ka professional – ug sa laktud nga pagkasulti, igo lang siyang naghimo sa iyang trabaho.Matud pa nga "Don’t kiss someone without their consent, ever, and don’t kiss someone without their consent while they’re doing their job."Dili kini nindot ug dili sab kataw-anan labaw pang dili sab meme-worthy. Walay katarungan nga pakauwawan ni Thompson ang maong TV reporter ug alang kang Thompson, dakung sayop ang iyang gihimo.

Tungod ba lang kay nag-interbyo si Clifton ngadto sa usa ka lalaki (opposite sex) wala siya'y katungod nga hagkan ang usa ka babaye atubangan sa national television sa bisan unsang matang sa rason. (GGM gikan sa wires) (BANAT NEWS)