Sa kadugay na nilang pinaabot, hinaut unta dimalas nahurot

Dili tiaw ang pasensya sa pagpa-abot sa University of San Carlos Warriors nga modaug pagusab og titulo sa collegiate basketball. Ug kung motingkag ang atong dunggan nga 44 na ka tuig nga wala makabalik sa finals sa UAAP ang National University, wala kana kung itandi sa 56 ka tuig nga pinaabot sa Warriors.

Niadtong 2006 ug 2007 dihang miabante sa kataposang higayon ang Warriors sa finals sa Cebu Schools Athletic Foundation, Inc. (CESAFI), wala pa mauso ang mga foreign players nga gitugotan nga makaduwa sa local leagues isip imports. Gani igo lang gikitang misunod sa UAAP ug sa NCAA diin makaduwa ang imports apan tagsa lang ang pasudlon ug dili mahimong dunganon ang duha.

Dako'g ikatabang ang imports sa usa ka team. Mao kanay rason nganong wala moabante sa semifinals ng kanhi two-time champion university of Cebu Webmasters ug mao sab kanay rason nga wala moabante ang Cebu Institute of Technology-University Wildcats apan kun si coach Gilbert Demape ang pasultihon, dili sab siya ganahan og imports kay kung mahimo silang scholar, anugon ang duha ka luna sa tinuoray nga pobre nga angayan untang makapahimus sa maong scholarship pinaagi sa pagduwa isip varsity players.

Wala pay imports kaniadto dihang napilde ang Warriors sa University of the visayas Green Lancers. Karon sa ilang pagbalik sa finals, bag-o nang hitsura ang CESAFI ug bag-o na sab og hitsura ang Warriors ingon man ang hulagway sa finals kay kanunay man natong masaksihan ang UC-UV finals, UC-SWU finals, UV-USJR finals  ug UV-SWU finals.

Dili nato ikalimud nga tungod kay duna'y import, daw nakabentaha karon ang Warriors kay naswertehan nga maayo ang ilang imports nga nakuha. Gawas nga mga disiplinado, parehong kugihan ug buotan silang Shooster Olago ug Espoir Toyambi.

Sugod karong adlawa, atong mahibaw-an kung si Olago ug si Toyambi ba ang tubag sa dugay na kaayong pangutana kung kanus-a gyud mobalik pagka-champion ang Warriors, usa sa labing lig-on nga collegiate teams kaniadto dinhi sa Sugbo.

Karon sad tuiga nga grabe ang pagpakita sa ilang suporta sa mga sakop sa USC Gold and Green Warriors Alumni Association nga gipanguluhan nsa ilang presidente nga si Bogo City Mayor Celestino E. Martinez, Jr. uban kanilang Atty. Danilo Deen, real estate broker-developer Joe Soberano sa Cebu Landmasters, Nilo Velasquez, Dorign Canizares ug uban pang mga businessmen nga kanhi nagduwa isip sakop sa Warriors.

Dili malalis nga bisan didto sa UAAP ug NCAA, ang tabang o financial support gikan sa alumni maoy usa sa tinubdan sa kusog nga ikapakita sa mga players matag duwa. Makita nato nga mibalik sa finals ang NU Bulldogs  tungod sa suporta sa pamilyang Sy nga maoy nanga-ioya sa SM ug ang San Sebastian nga wala nay suporta gikan sa pamilyang Pineda sa Pampanga, wala na moabante sa Final Four.

Karon ang Game 1 sa USC Warriors batok sa SWU Cobras ug segurado nga usa ka blockbuster ang maog best-of-five championship series.

MISCELLANEOUS. The Ladonga and Cao families are now in deep sorrow with the death of Alejandra Cao last October 11, 2014 at 4pm at their residence in Alaska, Mambaling where her wake is laid for a nightly vigil. She is 81 years old. Interment will be on Sunday, October 19 at the Napo cemetery in Carcar City after the 1pm requiem mass at the Lourdes Chapel in Ocana. Diday as she is fondly called, is survived by her husband Vicente M. Cao, Jr. who originally came from San Fernando, Pampanga ang moved to Cebu in the early 50's. Their childen are Jane Po and Nelly Po and also Cecilia Senarlo, Consolacion Ramos, Guadalupe Malagar and Rita Ortega. Their son-in laws are Emilio, Danilo, Gabriel and Romeo.