Leylam FC mopasiugda na sab og charity football tournament
CEBU, Philippines – Mopasiugda na sab ang Leylam FC og laing charity football tournament, ning higayona nganlan kini’g “Goal for Jacob” sa Oktubre 19 diha sa Don Bosco Technology Center (DBTC) sa barangay Punta Princesa, Cebu City.
Ang inter-company tournament magtugot sa matag koponan nga mopaduwa og labing menos pito ug maximum nga 12 ka players sa men ug women’s division.
Ang mga players nga mahimong makaduwa kinahanglan nga empleyado gikan sa crew hangtod sa CEO sa partisipante nga kompaniya.
Ang maong charity event ipahinungod ngadto sa usa ka tuig nga bata nga si Jacob, kinsa ipaubos sa surgical operation sa iyang “club foot”, usa ka congenital deformity” nga makaapektar sa tiil. Ang batang lalaki, anak sa usa ka production staff sa Leylam.
Kahinumduman, ang Leylam FC nipasiugda sab og duha ka fund raisers -- ang “Goal for Bohol” didto sa Singapore ug ang “Goal for Yolanda” dinhi sa Sugbo.
Niadtong gustong mosalmot o kaha mo-sponsor sa kalihukan ug ingon man ni Jacob, mahimong mokontak ni Rene Sanchez 0925-5018209 o di ba sa 412-0882.
Ang entry fee nagkantidad og P2,500 matag team. (BANAT NEWS)
- Latest
