Codiñera, Evangelista pararangalan ng PBA

MANILA, Philippines - Pararangalan sina Jerry Codiñera at Rey Eva­ngelista, ang sumunod na mahalagang players matapos si Alvin Patrimonio sa unang dalawang dekada ng Purefoods/San Mig Coffee sa PBA, sa isang jersey retirement ceremony bago ang laro ng Mixers kontra sa Barangay Ginebra Kings sa Nobyembre 9 sa Smart Araneta Coliseum.

Sina Codiñera, naglaro sa unang 11 ng kanyang 17-year PBA career sa koponan, at si Evangelista, isang Purefoods player sa kabuuan ng kanyang 14-year pro career, ang tanging ikalawa at ikatlong player na gagawaran ng parangal ng Purefoods/San Miguel Food franchise matapos si Patrimonio.

“This is to express our gratitude, appreciation and recognition to their great contribution to our franchise,” sabi ni San Mig Coffee top official Rene Pardo sa seremonya kung saan ireretiro ang No. 44 jersey ni Codiñera at ang No. 7 jersey ni Evangelista.

“Actually, we’ve not allowed anybody to wear Codiñera’s jersey number. As for Rey’s jersey number, the last to wear that was JC Intal,” wika pa ni Pardo.

“Rey was a Purefoods player through and through. Si Jerry, he was crying when we traded him. Galit sa akin ang mga tao non for the trade,” dagdag nito.

Si Codiñera, ang mi­yembro ng original na Purefoods team noong 1988, ay dating major star sa siyam na PBA championships ng tropa noong 1990 hanggang 1997.

Tatlong  beses nakapa­sok ang 6-foot-6 center mula sa University of the East sa Mythical First Team at limang ulit sa Mythical Second Team.

Dalawang beses din siyang hinirang na Best Player of the Conference at lumaban sa season MVP award.

Natulungan naman ni Evangelista ang Purefoods sa limang korona. (NB)