Yamaha Motor Phils. Inc. suporta sa MS Motosuit Motocross sa Calambua
CEBU, Philippines – Makalingaw, paukyab nga mga kalihukan ang gihan-ay sa Yamaha Motor Philippines Inc. ug usa niini ang paglusad sa special category sa fifth leg sa MS Motosuit Motocross Series nga uloha’g 2014 Calambua Motocross Challenge karong Domingo didto sa Calambua sa San Remigio sa amihanang bahin sa Sugbo.
Suportado sa Yamaha Off-Road Racing, ang proceeds sa maong charity event maoy gamiton alang sa nagpadayong kabag-ohan sa mga pasilidad sa eskwelahan nga gikuso-kuso’g maayo sa bagyong Yolanda.
Ang Yamaha mopuno sab og off-road world category nga naglakip sa XTZ 125 ug Serow 250. Ang duha pulos dual sports bikes nga maayong sakyan mapatag man o tungason.
Matud pa ni MS Motosuit big boss Lou Ornopia nga ang Yamaha mopagamit og 12 ka units nga state-of-the-art motorbikes ngadto sa riders sa novice ug expert class.
Ang lain pang mga kategoriya sa lumba karong Domingo mao ang mini 60cc ug 85cc, beginners, local enduro, open enduro, executive A, B ug C, intermediate ug pro open.
Ang kalihukan nga salmotan sa kapin 100 riders lukop nasud, may special segment nga naglakip sa Yamaha’s off-road motorcycles nga adunay duha ka tumong, ang Yamaha race clinic alang sa mga bata ug one-make race nga naglatid sa XTZ 125.
Sa dili pa ang aksiyon, ang Yamaha mobisita sa Calambua National High School sa Oktubre 3 alang sa official turnover ceremonies sa school classroom diin mohatag sila og bag-ong pultahan, bentaha ug uban pa. Manghatag usab ang Yamaha og educational supplies ngadto sa mga estudyante. (BANAT NEWS)
- Latest
