Consolacion fiesta caging sugdan na
CEBU, Philippines - Pormal na nga sugdan ang gikahinaman nga Mayor Teresa P. Alegado Cup 2014 Fiesta Basketball League karong adlawa didto sa Consolacion, Cebu.
Adunay 21 ka barangays ang mag-ilog sa dungog ning usa ka bulan nga torneyo nga usa sa mga dakung kalihukan sa tinuig nga kapistahan sa ilang mahal nga patron San Narciso.
Ang mga entrante sa inter-barangay category A mao ang Cansaga, Poblacion Oriental, Poblacion Occidental, Jugan, Pulpogan, Tayud, Lamac, Danlag, Pitogo, Nangka, Tugbungan, Casili ug Cabangahan. Gibahin sila ngadto sa duha ka brackets ug moduwa’g double round robin format sa elimination. Ang top two teams moduwa sa crossover semifinals diin ang mga mananaog magsangka alang sa “best-of-three” final series.
Mopakita’g aksiyon sa inter-barangay category B mao ang Lanipga, Panas, Polog, Sacsac, Garing, Tilhaong, Panoypoy ug Tolo-tolo. Ipaagi sab og double round robin format ang duwa atol sa classification stage.
Sa SK division diin ang mga partisipante pangulohan sa defending champion Danlag bahinon ngadto sa upat ka brackets. Ang top two moabante sa quarterfinal round. Sundan kini sa crossover semis ug dayon sa best-of-three title match.
Ang mga duwa himuon sa basketball gym sa Cansaga, Jugan ug Tayud. Nahimong posible ang kalihukan pinaagi sa suporta ni Mayor Teresa P. Alegado, Vice Mayor Rey Damole ug sa tanang sakop sa Sanggunian Bayan. Si councilor Nilo Ferraren magsilbeng sports committee chairman sa abag ni Boy Tibon ug Liga ng mga Barangay President Marilou P. Casul.
Ang torneyo pagadumalaon ni sports commissioner Paul Alelu Q. Flores, kanhi varsity sa Far Eastern University (FEU).
- Latest
