Alvarez, Llerin nidominar sa Press Freedom Run 2014
CEBU, Philippines - Pambato sa ABS-CBN nga si Bayani Alvarez ug Hanz Llerin sa Sunstar maoy nidominar ning tuiga sa Press Freedom Run nga kabahin sa pagsaulog sa tinuig nga Cebu Press Freedom Week sayo sa buntag kagahapon didto sa Cebu Business Park.
Si Alvarez milabang sa finish line sa oras nga 19:21 aron maghari sa 5K class. Sila si Venus Benting sa Cebu Daily News (21:21)ug Dino Tantan sa The Freeman (21:27) nalandig sa ikaduha ug ikatulo nga dapit.
Sa iyang bahin, si Llerin mao sab ang labing paspas sa tanang female 5K participants nga mioras og 28:27. Gisundan ni Chai Cerna sa Y101 (32:20) ug Armie Gardie sa Sunstar (33:30).
Laing pambato sa The Freeman nga si Julius Panerio (12:34) maoy naghari sa 3K class. Sila si Ernie Cabunag (13:17) sa Sunstar ug Dennis Tantan (14:48) sa The Freeman miokupar sa mosunod nga duha ka dapit.
Sila si Grace Morallas (16:07), Vilma Andales (18:05) sa ABS-CBN ug Flora Mata (18:11) sa The Freeman maoy top three finishers sa 3K women’s.
Sa laing bahin, ang ABS-CBN Team maoy midaog sa Metafit Challenge. Ang maong endurance ug strength challenge gipasiugdahan ni fitness patron ug The Freeman columnist Alan Choachuy.
- Latest
