Corteza, Orcollo swak sa 2nd round

MANILA, Philippines - Eksakto lamang ang pabanda ni Lee Vann Corteza sa cue ball para madisgrasya ang 9-ball patungo sa 7-5 panalo ng Pilipinas kontra sa France sa second round no­ong Huwebes sa 2014 World Cup of Pool sa Mountbatten Centre sa Portsmouth, Great Britain.

Lamang lang ng isa, 6-5, sina Corteza at Dennis Or­collo laban kina Stephan Cohen at Alex Montpelier at tila babalik sa pagtumbok ang mga katunggali matapos magtago ang four-ball sa likod ng apat na bola.

Pero nasukat ni Corteza ang tamang anggulo at ang da­lawang pabanda ang hindi lamang nagpaabot sa cue ball sa object ball kungdi kinarambola rin nito ang iba pang bola at ang nine-ball ay sinuwerteng dumiretso sa side pocket para sa panalo.

Unang pinataob ang Chile, 7-5, pumasok sa round-of-16 sina Orcollo at Corteza at makakaharap nila bukas ang mananalo sa pagitan nina Mika Immonen at Petri Mak­konen ng Finland at Karol Skowerski at Mateusz Sniegocki ng Poland.

Sina Orcollo at Corteza ang naghari noong nakaraang taon at balak nila na maging kauna-unahang pool players na nakadalawang sunod na dominasyon. (ATan)