Generals, Cardinals mapo-forfeit ang mga laro

MANILA, Philippines -  Isusuko ng Emilio Aguinaldo College at ng Mapua ang kanilang susunod na la­ro matapos ang suspensyon sa mga players nila sa nangyaring rambulan sa 90th NCAA men’s basketball tournament noong Lu­nes sa The Arena sa San Juan  City.

“They are facing possible forfeiture if they cannot come up with five players to start the game,” sabi ni Paul Supan, ang NCAA Management Committee chairman.

Apat na players lamang ang natira sa Generals sa kanilang nakatakdang pag­ha­rap sa Perpetual Altas nga­yong alas-9 umaga.

Ang mga ito ay sina Je­rald Serrano, Christ Mejos, Ai Indin at Jozhua General.

Ang mga nasuspinde ay sina John Tayongtong (5), Jan Jamon (3), A­riel Aguilar (3), Jack Ar­que­ro (3), Sydney Onwube­re (3), John Santos (2), Ma­nelle Quilanita (2), Edsel Sa­ludo (2) at Faustine Pascu­al (1).

Babagsak ang Generals sa 4-13 at tataas naman ang Altas sa 10-6.

Hindi rin maglalaro ang Ma­pua sa Lunes kontra sa Letran dahil sa suspensyon kina Leo Gabo (4), Jomari Tu­biano (3), Justin Serrano (2), James Galoso (2), Exe­qiel Biteng (2), Andrew Estrella (2), Jerome Canaynay (1), Ronnel Villasenor (1) at Darrel Magsigay (1).