CESAFI semis sugdan na

CEBU, Philippines – Magpas-an og bug-at nga bagahi ang defending champion University of the Visayas (UV) Green Lancers gumikan kay ilang sangkaon ang topseed nga University of San Carlos (USC) Warriors sa pagsugod sa semifinals sa Cebu  Schools Athletic Foundation Inc. (CESAFI) basketball karong adlawa diha sa  Cebu Coliseum.

Sugdan ang duwa sa alas-6:45 sa gabii human sa sangka tali sa fourth-seed Cebu Institute of Technology-University (CIT-U) Wildkittens ug sa  fifth seed University of Cebu (UC) Junior Webmasters sa pagsugod sa quarterfinals sa juniors division. Ang UC adunay twice-to-beat advantage batok sa UC.

Tinuod nga tungason ang dalan sa semifinals alang sa Lancers tungod kay armado og twice-to-beat incentive ang Warriors, kinsa miharos sa duha ka duwa sa elimination round batok sa nahisgutang karibal.

Tinuod nga tungason ang dalan sa semifinals alang sa Lancers tungod kay armado og twice-to-beat incentive ang Warriors, kinsa miharos sa duha ka duwa sa elimination round batok sa nahisgutang karibal.

Apan kun maoy himoan og sukaranan ang nahitabo sa best-of-five finals sa miaging tuig batok sa Southwestern University (SWU) Cobras, angayan sab nga bation’g kakulba ang Warriors.

Naglabaw na ang SWU sa series, 2-0, apan  giharos sa Lancers ang nahabiling tulo ka duwa aron sakmiton  ilang ika-napulo nga CESAFI titles.

Gani, tataw nga naglikay ang Cobras sa Lancers ug maoy pagtuo sa kadaghanan ilabi na kadtong mga pro-USC fans nga tuyo nga nagpapilde ang Cobras sa University of San Jose-Recoletos (USJ-R) aron modailos sila sa ikaduhang pwesto ug dili nila ikabagat  ang Lancers sa semis. (BANAT NEWS)